Mae Porter’s yn lleoliad sy’n cynnal polisi mynediad rhad ac am ddim. Mae hyn yn golygu taw’r cyntaf i’r felin gaiff fynediad, a bod dim ffioedd yn cael eu codi wrth y drws. Unwaith i ni gyrraedd terfyn y lleoliad o ran niferoedd, ni fydd unrhyw un arall yn gallu ymuno. Os oes angen rhestr o fynychwyr arbennig arnoch, bydd yn rhaid i’r lleoliad ei chymeradwyo ymlaen llaw. Mae’n rhaid i bob digwyddiad gydymffurfio â pholisïau ein lleoliad, yr amserlen ar gyfer profi’r sain, a’r canllawiau ar gyfer hyrwyddo. I gael yr holl fanylion, darllenwch ein Canllawiau ar gyfer Digwyddiadau a’n Telerau ac Amodau.

Achos bod y digwyddiadau gorau yn dod at ei gilydd wrth i ni gydweithio! Rydyn ni am i Porter’s fod yn lleoliad sy’n teimlo fel eich lleoliad chi – man sy’n hybu creadigrwydd ac yn rhoi’r cyfle i bawb lwyfannu rhywbeth arbennig. Gan agor ein calendr i chi, gallwn gynrychioli cymaint o bobl wahanol â phosibl, llwyfannu mathau gwahanol o ddigwyddiadau, a sicrhau bod lle i bawb berfformio a rhannu eu llais.

Mae Porter’s Presents ar gyfer pawb – cerddorion, hyrwyddwyr, pobl greadigol, cymdeithasau prifysgolion, ac unrhyw un sydd â syniad am ddigwyddiad gwych. P’un ai’ch bod yn artist newydd yn edrych am eich gìg cyntaf, artist sefydlog sydd am wneud rhywbeth gwahanol, neu’n hyrwyddwr sy’n curadu rhestr o berfformwyr, mae’r broses hon wedi’i chynllunio i fod yn gynhwysol ac yn agored i bawb. Os ydych yn dwli ar ddigwyddiadau byw, hoffem glywed gennych chi!

Dim probs! Os oes well gennych ganolbwyntio ar eich perfformiad a bod rhywun arall yn gwneud y gwaith cynllunio, gallwch chi weithio gydag un o’n hyrwyddwyr dibynadwy. Mae’r hyrwyddwyr hyn yn delio â mathau penodol o ddigwyddiadau ac yn curadu rhestrau o berfformwyr ar gyfer digwyddiadau Porter’s Presents. Ewch i’n tudalen “Perform” i gael rhagor o wybodaeth, neu gallwch gysylltu â nhw’n uniongyrchol.